Новости

Улуғ хырлас айының 2-ҷі кӱнінде Тӧӧ пазындағы «Тея» спорт кінінде классика оңдайлығ спринтче  марығласханнар.

26 ноябрьдаң 1 декабрьға теере Кемеровта иреннер паза ипчілер аразында кикбоксингча Россия чемпионады ирт парды.

Кічіг хырлас айының 30-ҷы кӱнінде Ағбанда Н. Г. Булакиннің адынаң спорт ӧргезінде Россияның саблығ спорт узы, Сеулда ирткен Олимп ойыннарының хола медаль чиңісчізі С. З. Карамчаковтың хумартхызына чарыдылған  олаңай кӱресче регион аразындағы  синіг  марығлар ирт пардылар.

Кічіг хырлас айының 24-ҷі кӱнінде Ағбанда Чоннар аразындағы синніг  кинектер кӱніне чарыдылған шахматча паза шашкаларҷа Хакас Республиканың чемпионады паза первенствозы ирт парды.

Олимп резерві училищезіндегі (техникумындағы) Пірге методика кінінде «Актуальные вопросы развития национальных видов спорта Республики Хакасия» сурығҷа тегілек стол ирт парды.

РТС-тағы ӧнетін сығарыс – саналығ чарыстарҷа Олимп ойыннарының ӱс хати чиңісчізі Александр Большуновнаң чоохтазығны «Лера на спорте» кӧзідігде кӧріңер.

Кічіг хырлас айының 27-ҷі кӱнінде 2024/2025 чыллардағы сезонда Суперлигада ойнапчатхан командалар аразында «Сойан» ибдегі пуста «Мурманнаң» ойнады.

Хакас Республиказындағы ойнаҷаң спорт кӧрімнерінҷе піріктірілген команданың ӧӧн тренері Алина Пряникова Наа чыл паза Кӧлееде ӱлӱкӱннер алнынҷа ӱгренҷілерінең хада «Барс» отрядтың араласчыларына алғыстастар пазыл парған хоостар паза пічіктер ызыбысханнар.

Кічіг хырлас айының 19 – 22 кӱннерінде Улан – Удэде  иреннер паза ипчілер аразында саблығ спорт узы Сергей Леоновтың сыйиина тиксі Россия синіндегі X марығлар гиря кӧдірерінҷе ирткеннер.

Улуғ хырлас айының 1 – 4 кӱннерінде Тӧӧ пазындағы спорт кінінде Россия кубогының ФосАгро марииның II чардығы иртер.

Улуғ хырлас айының 8-ҷі кӱнінде Ағбанда Н. Г. Булакиннің адынаң спорт ӧргезінде фитнес сурығларына чарыдылған II чыылығ иртер. Анда пу спорт кӧрімінең айғасчатхан  аймах чон чыылар.

Республика пазы Валентин Коновалов ӱр ниместе ирткен бюджет сурығларынҷа Халых искіріглерде парған чоохха киртінмеске хығырча. «Сойан» меспектіг хоккей командазы тоғызын узаратча. Аның тилізіне кӧп кӱс салылча.

Кічіг хырлас айының 22-ҷі кӱнінде Харатастағы «Хакасия-Спорт»  ФОК-та республика синіндегі дзюдоҷа марығлар 15 часха читкелек оолах – хызыҷахтар аразында ирт пардылар.

«Сойан» спорт школазы Суперлига істіндегі ибдегі ойыннарға билеттер садып пастабысты. 

Хакасияның спорт министерствозында спорт кӱрезінҷе марығларға тимненісче чыылығ ирт парды.

Кічіг хырлас айының 23 – 26 кӱннерінде Тӧӧ пазында саналығ чарыстарҷа Россия кубогының I чардығы иртер (2024-2025 чыллардағы чылҷаң тус).

Кічіг хырлас айының 16-ҷы кӱнінде 2012-2013 чылларда тӧреен ооллар аразында марығлар ирт пардылар. Арға – мӧрій тиксі Россия синіндегі самбо кӱніне чарыдылып ирткен.

Кічіг хырлас айының 23 паза 24 кӱннерінде Ағбанда И. Н. Тюмерековтың хумартхызына чарыдылған олаңай кӱресче регион синіндегі азых марығлар 18 часха читкелек оол-хыстар аразында иртерлер.

Хазна кінінде фитнес киреен тилідерінҷе 34-ҷі тиксі Россия чыылии ирт парды.

Кічіг хырлас айының 13 – 16 кӱннерінде Минсуғда А. П. Свченко саблығ тренернің  хумартхызына боксча крайның азых марығлары ирт пардылар.