Хулахтары хатығларның спорт кӧрімі паза кии гимнастиказы: Хакасияда наа федерацияларға тоғынарына чарадығлар пиріл пардылар (СОМ

9 ноября 2023 г. в 11:19

Фото из открытых источников

Наа федерацияларға аккредитация пічіктері Хакасияның спорт министерствозында пиріл пардылар.

Киречілепчеткен пічіктерні нааларға алай ба иргілеріне хати пиріл пардылар.

Пӱӱнгі кӱнге республикадағы спорт министерствозы 58 спорт кӧрімінҷе 56 федерацияа аккредитация пирібіскен. Ирткен чылнаң тиңнестірзе, федерациялар саны 47 полған. 2023 чылда сквоша, нард, практическай атыс, муайтай (тайскай бокс), пилоннай спорт паза спорт программированиезі осхас федерациялар тӧстелгеннер. Сентябрь паза октябрь айларда хулахтары хатығларның спорт кӧрімі паза кии гимнастиказы федерациялары хозыл пардылар.

Пӱӱл ідӧк тоғызын анаң андар узарадарына чарадығлар чир спорт, полиатлон, спорт гимнастиказы, шахмат, кикбоксинг, баскетбол, сағыснаң уйаннар спорт кӧрімі, стол теннизі, таға сығары, футбол, кии акробатиказы, хоос гимнастиказы, теелбек салҷаң спорт кӧрімнері федерацияларға пиріл парған. Таныхтирға кирек, чарадығ аларға ідӧк бодибилдинг федерациязы тимненче.

Хазна аккредитациязы федерациялар паза спорт министерстволары аразындағы тоғысты ниик итче. Пірее спорт кӧріміне ана мындағ чарадығ кирек полза, министерствозар 8(3902) 346110 (хоза 206) телефонҷа сығдырадарға чарир. Кирек хабарларны ідӧк Хазна услугалары пастыра онлайн піліп аларға чарир.