.jpg_80_60.jpg)
.jpg_80_60.jpg)
Хакасияның кӧбізі чуртағҷылары физическай культуранаң паза спортнаң айғасчалар
.jpg "Фото из открытых источников")
Валентин Коновалов Ӧӧркі Чӧптің депутаттары алнында 19 апрельде чоох тутхан.
– Піс республика бюджедінең физическай культура паза спорт тилізіне ахча синін чыл сай хосчабыс. 2023 чылда 790 млн салковай позыдылған полған, анзы 2022 чылнаң тиңнестірзе, 26%-ке кӧп. Аймахтардағы спорт объекттерін тыхтирына паза пӱдіреріне 105,3 млн салковай пирілген. Анзы 2022 чылнаң тиңнестірзе, 3 хати кӧп. 2023 чылда республикада 53 наа спорт туразы пӱт парған, - таныхтаан республика пазы Валентин Коновалов.
Валентин Коновалов позының чооғында республика правительствозы спортха паза спортсменнерге хайдағ хабазығ итчеткенін чоохтап пирген. 2023 чылда ахчалығ хабазығ идіп, Хакасиядағы спорт пірігістерінзер 20 чиит тренер тоғысха алылған. 92 кізі Хакасия пазының стипендиязын алған – олар республикадағы иң кӱстіг спортсменнерге саналчалар.
Республика пазы ідӧк 2023 чылда Россияның піріктірілген командазына Хакасиядаң уғаа кӧп кізі кір парған – 99. Мындағ ниме хаҷан даа полбаан. Анзы чир-суғҷыларыбыстың спорттағы улуғ чидіглерінеңер чоохтапча.
– Физкультуранаң паза портнаң удаа айғасчатханнарның саны ӧсче. 2023 чылда 274,4% полған полза, ол тиксі чонның 55,9 % тиңнелче. 2022 чылда ол сан 53,7 полған, - тіп таныхтаан Валентин Коновалов.
– Хакасияның 2023 чылдағы улуғ чидіглер полғаннар! Региондағы спортсменнернің адынаң Валентин Олеговичке полысчатхан ӱчӱн улуғ алғызым читірчем. Физическай культураа паза спортха теелчеткен законнар кӧнізінең республика пазының кӱстенгенінең чахсы саринзар алыс парғаннар. Халғанҷы чылларда спорт инфраструктуразының тилізіне улуғ хайығ салылған. Пу син хысхаҷах тус аразына республикада пу син спорт объекті амғы чіли тыхталбаан паза пӱдірілбеен полған! Регион федеральнай проекттерде араласча, республика ахчазына спорт объекттері алылчалар, сағам тоғынчатханнары тыхталчалар. Бизнес кізілері иділчеткен тоғысты ідӧк сизін салғаннар. Амды піссер наа объекттер пӱдірерінҷе постарының сағыстарынаң айланчалар. Анзына хандыра кӧзідім Хакасияның спорт министерствозы спорт федерацияларына аккредитация пиргені полча. Пӱӱнгі кӱнге Хакасияда 63 федерация пічікке киріл парған. Тиңнестіріге – 2022 чылда федерациялар саны 47 полған, - Хакасияның спорт министрі Сергей Кочан.
https://stm19.ru/news/12904