Хакасиядағы спортсменнер АРБ-ҷа тиксі Россия синіндегі марығларда сыйыхтығ орыннар алып алдылар

22 апреля 2024 г. в 11:31

Фото из открытых источников

Хосхар айының 20 паза 21 кӱннерінде Иркутсктағы «Труд» тіп спорт ӧргезінде армиядағы азах-хол тудызынҷа Балдан Цыдыпов Россия Матырының хумартхызына чарыдылған тиксі Россия марығлары ирт парған.

Анда Новосибирск, Иркутск областьтарынаң, Хызылчар, Алтай, Забайкальскай крайларынаң, Пӱрӱт паза Хакас республикаларынаң 480 спортсмен араласхан.

Хакасиядағы спортсменнернің салтарлары

1 орын (55 кг теере, 14-15 лчастығлар) – Карина Пирогова

2 орын ( 70 кг теере, 14-15 частығлар) – Михаил Колосов, Михаилге ідӧк «За Волю к Победе» тіп алынҷа сыйых пирілген.

2 орын ( 70 кг теере, 12-13 частығлар) – Руслан Лапуха

2 орын (55 кг теере, 12-13 частығлар) – Роман Вашуркин

Хоза искіріг

2 чыл мының алнында Цыдыпов лейтенантха «Рооссия Федерациязының Матыры» ат пирілген. Мындағ ат пістің хазнада ӱзе матыр тудынған на кізілерге пирілчелер. Андағ кӱлӱк оолларны армиядағы азах-хол тудызынҷа спорт кӧрімі ӧскірче. Балдан – Иркутск облазындағы ФАРБ ӱгренҷізі, училищезер ӱгренерге кірер алнында «Георгий Победоносец» тіп клубсар чӧрген. Ӱгренізін тоосхан соонаң Улан-Удэдегі Тацинскай алынҷа танк бригадазында тоғынған, атчаңнар взводының командирі полған.

СВО пасталғаннаң ала чаалазып пастаан. 2022 чылда 30 мартта Балдан Цыдыповтың взводы колоннаны ӱдесчеткенде, аның машиназы ыырҷының уғына прайзының пурун кірген. Аның 5 арғызы ӧдірт салған. Балдан аар палығлат салған. Контузиядаң сых килгендӧк, ідӧк кизекти чара чачырап парған БМП-зын айландырыбызып, ыырҷының бронетехниказын чох идібізіп, алнындағыларға нандыра ойладарға чол ас пирген. Чааласчаң ухтар тоозыл парғанда, Балдан танктаң Артем Дагбаев арғызын сығар килген, пастағы полызығ пирген. Хада олар ыырҷыының хайиин постарынзар тартханнар. Нинҷе-де тус пазынаң аның арғызы ӧдірт салған.

Чалғызаан халған Цыдыпов санынаң кӱстіг ыырҷынаң тиңнең тиңе кӱрескен. Полызығ килгенҷе аар палығлат салған ирен сын матыр чіли 2 час тудынған, ыырҷыға чағын кірерге пирбеен.

Пасха взводтағыларға соонзар парарға чол тудып, аның матыр хылии 150 арғызының тынын ал халған.

2022 чылдағы 11 июньнаң РФ-ның Президентінің чахиинаң, матыры ӱчӱн Балдан Баирович Цыдыповха РФ-зының Матыры ат пирілген.