.jpg_80_60.jpg)
.jpg_80_60.jpg)
Хакас чирінде спорт саринаң чыл салтарлары иділ парды (СОМ)
Пайрамда кибірли Хакасияның Правительствозының паза Ӧӧркі Чӧбінің кізілері араласханнар. Сыйыхтар читірерінде Хакасияның пазының орынҷызы Михаил Побызаков, физическай культура паза спорт министрі Сергей Кочан, істеніс паза социальнай арачыланыс министрі Татьяна Раменская, Ӧӧркі Чӧптің депутады Вячеслав Лесков, физическай культура паза спорт министрінің орынҷызы Елена Краснова, Хакас чиріндегі Олимп чӧбінің устағҷызы Петр Макарчук, физическай культура Отличнигі, Россияның физическай культураҷа паза спортча саблығ тоғынҷызы, Хакасиядағы спорт паза істеніс ветераннар чӧбінің кнезі Константин Тюкавкин араласханнар.
Республикадағы иң артых спорт школазы – Хакас Республиказындағы хоза ӱгредіг пирчеткен хазна бюджет учреждениезінің «Паралимпийскай спорт школа резерві» пол парған. (Устағҷызы - Ирина Андреевна Матюшина).
Городтар аразындағы иң артых спорт школазы – «Стол теннизінҷе спорт школазы» (устағҷызы – Ирина Домненко). Ағбан городтағы муниципальнай хоза ӱгредіг пирчеткен хазна учреждениезі.
Аймахтардағы иң артых спорт школазы – «Ағбан пилтірі аймаандағы спорт школазы» (устағҷызы – Николай Крикьянц) хоза ӱгредіг пирҷең бюджет учреждениезі.
«Устағҷы» тіп пӧліктегі спорт школазының иң артых тоғынҷызы – Татьяна Чупина (« Александр Алексеевич Магдалиннің адынаң ат спорт школазы» Хакас Республиканың хоза ӱгредіг пирҷең хазна автоном учреждениезі.)
«Устағҷы орынҷызы» пӧлікте иң артых тоғынҷаа Екатерина Мамаева санал парды. Ол Ағбандағы «Кӱресче спорт школазының» хоза ӱгредіг пирҷең школаның тоғынҷызы полча.
Городтағы паза аалдағы спорт тоғызын иң артых апарчатхан тоғынҷызы – Мила Дульцева (Ағбан город) паза Дарья Торопова (Шира аймаа) соон сӱрістіре пол парғаннар.
«Спорттағы эпоха» пӧлікте: республикада спорт паза физическай культура тилізіне хозым итчеткені санға алылған. Мында Сергей Карамашев (Таштып аймаа) паза Людмила Федяева (Ағбан город) таныхтал пардылар.
«Преодоление» пӧлікте ( кинектер аразындағы физическай культура паза спортта істенчеткеннер аразында) городтар паза ааллар аразында - Ольга Рутковская (Сойан город) паза Эдуард Чебодаев (Асхыс аймаа) соон сӱрістіре адал парғаннар.
«ГТО комплексі- хазыхха паза чиңіске чол» «ГТО» ВФСК-ны иң не ӧткін кирерінҷе.
1 орын – Шира аймаа
2 орын – Ағбан пилтірі аймаа
3 орын – Харатас г.
«Спортивный Парнас» пӧлікте (спорт, физическай культура паза хазых оңдайлығ чуртасты чон аразына кирген ӱҷӱн)
Телевидение: «Лера на спорте» кӧзідігні тимнеен ӱчӱн Хакас Республиканың «Хакасия» хабарластығ телевидение кіні (ӧӧн устағҷызы - Борис Шишкин).
Печать: Кристина Баева, «Усть-Абаканские известия» газета редакциязының» хабарҷызы.
Хакас Республиказында спортты, физическай культураны паза хазых чуртасты чон аразына ӧткін кирчеткен ӱчӱн паза кӧп чыллар хада - пірге апарған тоғыс ӱчӱн, Аарластығ пічіктер Владимир Кулымовха паза Анзор Сабановха читірілгеннер.
Иң артых спорт федерациялары – Хакас Республиказының бокс федерациязы (устағҷы – Иван Володин), Хакас Республиказының гиря спортынҷа федерациязы (президент – Кирилл Жибинов), Хакас Республиказының дзюдо федерациязы ( президент – Вячеслав Лесков).
Хакас Республиканың физическай культура паза спорт федерациязының Аарластығ пічии «Хакас Республиказының чир спортынҷа федерациязы» региондағы халых пірігіске читіріл парды (президенті Виктория Толстопятова). Физическай культураны, спортты, паза хазых чуртасты чон аразына киреріне улуғ хозым иткен ӱчӱн паза «Прорыв года» пӧлікте чиңіс тутхан ӱчӱн.
«Хакасияның поғдархазы» пӧлікте адалған артых спортсменнер паза тренерлер.
Ипчілер аразында Олимп спорт кӧрімнерінҷе иң артых спортсмен – Наталья Малышева, ипчілер кӱрезінҷе Россия чемпионадының чиңісчізі, чоннар аразындағы синніғ марығларда сыйыхтығ орын алған чир-суғҷыбыс.
Иреннер аразында Олимп спорт кӧрімнерінҷе иң артых спортсмен – Денис Чертыков, ниик атлетикаҷа Россия чемпионадының чиңісчізі паза сыйыхтығ орын алған чир-суғҷыбыс.
Олимп ойыннарына кірбинчеткен спорт кӧрімнерінҷе иң артых спортсмен – Даниела Колесник, пауэрлифтингче чоннар аразындағы синніг марығларның паза Россия чемпионадының чиңісчізі.
Олимп ойыннарының санына кірбинчеткен спорт кӧрімнерінҷе иң артых спортсмен – Фёдор Жибинов, гиря спортынҷа чоннар аразындағы синніг марығларда, Россия Чемпионадында паза Кубогында сыйыхтығ орын алған чир-суғҷыбыс.
Ипчілер аразында паралимпийскай спорт кӧрімнерінҷе иң артых спортсмен – Инна Балахчина, стол теннизінҷе Россия Кубогының чиңісчізі, азахтаң кинектер аразында Россия чемпионадында сыйыхтығ орын алған чир-суғҷыбыс.
Иреннер аразында паралимпийскай спорт кӧрімнерінҷе иң артых спортсмен - Григорий Исаков, стол теннизінҷе азахтаң кинектер аразында Россия кубогының паза Чемпионадының чиңісчізі.
Олимп спорт кӧрімнерінҷе иң артых тренер – Николай Дружинин ( бокс, «Кӱрестерҷе Олимп спорт резерві школазы» Хакас Республиканың хоза ӱгредіг пирҷең хазна бюджет учреждениезі»)
Олимп ойыннарына кірбинчеткен спорт кӧрімнерінҷе иң артых тренер – Михаил Сазонов ( кикбоксинг, «ЦСКА – Хакасия» ОРК СШ )
Паралимпийскай спорт кӧрімнерінҷе иң артых тренер – Ирина Мордакина (азахтаң кинектер аразындағы стол теннизі, Хакас Республиканың «Паралимпийскай резерв спорт школызы» хоза ӱгредіг пирҷең хазна учреждениезінде істенче.
Ағбан - Хакасияда физическай культураны паза спортты тилітчеткен иң артых городха санал парды.
Шира аймаа - Хакасияда физическай культураны паза спортты тилітчеткен иң артых аймахха санал парды.
«Россияның саблығ тренері» ат кикбоксингче Максим Прокофьев тренерге пиріл парды. «Дзюдоҷа тиксі Россия синіндегі спорт чарғыҷызы» ат Константин Юрловха пирілді.
«Россияның спорт узы» атха Федор Жибинов (гиря кӧдірерінҷе), Иван Кулаженков ( азахтарынаң кинектер аразындағы спорт кӧрімі, ниик атлетика), Ричард Царев (азахтарынаң кинектер аразындағы спорт кӧрімі, стол теннизі), Илья Морозов (кикбоксинг), Вадим Феалковский ( аралас парған тудысчаң кӱрес), Егор Ваземиллерге (чӱзері) турыстылар.