Ағбанда чӱгӱрерінҷе кибірліг марығлар пасталчалар

Спорт Хакасияда

7 мая 2024 г. в 14:21

Фото из открытых источников

Версия для печати

Силкер айының 11-ҷі кӱнінде Ағбандағы тынағ паркында «Стартуют все» тіп город синіндегі чӱгӱрістер пасталчалар.

Араласчыларны пічікке кирері 11 майда 09:30 частаң 10:50 часха теере Н.Г. Булакиннің адынаң спорт ӧргезі хыринда иртер.  11:00 часта – марығлар пайрамни азыларлар. 11:05 часта чӱгӱріп пастирлар.

Пазағы чӱгӱрістер полған на чечімеде 10:00 частаң 12:00 часха теере ирт турарлар:

– ікінҷі чӱгӱріс– 1 июньда ( «Зелёный марафон» чӱгӱріс істінде иртер);

– ӱзінҷі чӱгӱріс – 8 июньда;

– тӧртінҷі чӱгӱріс – 15 июньда (толдыразынаң Россия кӱніне чарыдылар);

– пизінҷі чӱгӱріс – 22 июньда;

– алтынҷы чӱгӱріс – 29 июньда (Чииттер кӱніне чарыдылар);

– читінҷі чӱгӱріс – халғанҷызы – 3 августта.

Халғанҷы чӱгӱріс 10 августта Город кӱні таныхталчатса, парар. Иртер орнын тӧстегҷілер соонаң арах хоза искірерлер.

Чӱгӱрістернің узуны пу син полар:

–  12 частығ паза кічіг арах араласчылар – 1,5 км;

– 13 частығ паза улуғ арахтары – 3 км.

Чиңісчілерге  велосипедтер паза даа пасха  чахсы сыйыхтар тимнеп саларлар. Ӧӧн сыйых – спорт велосипеді полар, ол 13 паза улуғ арах частығлар аразында читірілер. Кічіг арах велосипед  12 паза сала кічіг арахтар пӧліктегі чиңісчее пирілер. Мындағ сыйыхтарны марығның «АЯН» арғызы тимнепче. Ағаа хоза, пасха даа сыйыхтар паза сувенирлер сыйлаларлар.