Ат спортының школазы кинек кізілерні позынзар хығырча
Ол санда хазых пиктир, тынағ, пос хылиин тыыдар паза иділ парған тоғыстың салтарларынаң морсынарға полысча.
Ат спортынаң аймах-пасха кізілер айғас поларлар. Мында тың хатығластар чоғыл. Аннаң кічіг палалар даа, улуғ частығ кізілер дее, хазых паза кинек кізілер айғас поларлар. Хол-азах ағырчатхан алай пастаң майыхчатхан улусха ӧнетін тимненіс ӱгредіглері пар.
Мында олар олаңай ла спорт чидіглеріне читпинчелер, мында олар хазыхтарын тыытчалар.
Кӱстіг, морсымнығ аттар кізінің полған на танығын сизінчелер. Олар кізіні ӧӧрлендірчелер, кӱс пирчелер.
Хоза хабарларны 8 (3902) 202-262 телефонҷа піліп аларға чарир