Хакасиядағы чиит тренерлер республика бюджедінең ахчалығ полызығ алчалар

16 апреля 2024 г. в 13:55

Фото из открытых источников

Сағысха киріп, пу ахчаны чиит тренерлер 2022 чылдаң алып пастааннар

Кирек чарадығны Хакасияның правительствозы 2 чыл мының алнында – 2022 чылның 14 мартында алыбысхан. Сағысха киріп, республикада чуртапчатхан тренерлерлернің стажтары 3 чылдаң асхынах полза, Хакасиядағы спорт пірігістерінде тоғынчатхан ползалар, оларға чыл тооза 13 муң салковай хоза тӧлелче.
Республика бюджедінең пирілчеткен ахча пӱӱнӧк 44 тренерге тӧлелче. Ол ниик атлетикаҷа, волейболҷа, чӱзерінҷе, регбиҷе, ухтаң атарынҷа, стол теннизінҷе, футболҷа, ат спортынҷа, гиря кӧдірерінҷе, саналығ чыларынҷа паза спортивное ориентирование теен спорт кӧрімінҷе тренерлерге.
2023 чылда тӧлеглерні 22 кізі алған, 2022 чылда – 17. Пӱӱл пу ахчаны пис тренер алча.
Кӧзідімге, пу чылда хоза ахчаны ЦСКА-Хакасияда тоғынчатхан спорт кӱрезінҷе тренер Наталья Малышева алча.
– Чиит тренерлерге мындағ хабазығ – уғаа кирек ниме. Кізі пастағы ла чылда ӱгренҷілерні алып алча, оларны ӱгредіп пастапча. Иң пастап – ол тренировкаларның синін кӧдірерге полысча, тоғынарына кӱс хосча. Чииттерге спорт тоғызында халарына хозым итче. Мындағ чахсы хабазығ парда – республикада чиит тренерлер саны хозылча тіп сағынчам, - Наталья Малышева.
Хоза ахча алҷаңнар пар полза, оларға 34-61-10 (хоза 206) телефонҷа сығдырадарға чарир.