Хакасиядағы гиря кӧдірҷеңнер Сибирьде, Ыраххы Востокта паза Уралда иң кӱстіглер

16 апреля 2024 г. в 09:47

Фото из открытых источников

Хосхар айының 11-14 кӱннерінде Челябинскте адалған федеральнай округтар аразында гиря кӧдірерінҷе марығлар ирт парғаннар.

Анда 15 регионнаң 200 азыра спортсмен чыылған. Хакасияның адын Харатастағы Федор Жибинов паза Анна Иванова арачылааннар.
Марығларның пастағы кӱнінде Федор Жибинов кӱмӱс медаль утып алған. Ол 32 кг пасчатхан гиряны 71 хати кӧдірібіскен. Ӏкінҷі кӱнінде иреннер двоеборье кӧрімде кӱс сынасханнар: пірсінде Федор гиряны 125 хати кӧдірібіскен. Ӏкінҷізінде - 176 хати. Салтарында пу марығларда 2 кӱмӱс медаль утып алған.
68 кг кӧдірімнең азыра гиряны 24 хати Алена Иванова кӧдірібізіп, кӱмӱс медаль утып алған.
Спортсменнернің тренерлері Кирилл паза Василий Жибиновтар полчалар.