Хакас чиріндегі спортсменнер чӱгӱрісче Россия мариинда сыйыхтар утып алдылар

15 апреля 2024 г. в 10:48

Фото из открытых источников

Хосхар айының 14-ҷі кӱнінде Санкт-Петербургта «Арена полумарафон» чӱгӱріс хоостыра чарым марафонҷа Россия Кубогы паза Санкт-Петербургтың чарым марафонҷа чемпионады ирт парды.

Россияның аймах городтарынаң чыылған спортсменнер 5 км, 10 км, паза 21,1 км чӱгӱрісте марығласханнар. Пӱӱлгі чӱгӱрчең чол талай хазындағы Чиңіс паркынҷа, Петербургтың 300 чазына чарыдылған паркча паза Яхтеннай тахтаҷа салылған.
Хакасияның адын пу арға-мӧрійде республикадағы олимп резерві училищенің (техникумның) Денис Чертыков паза Артем Попов ӱгренҷілері арачылааннар. 21,1 км чӱгӱрісте чиңісчі Денис Чертыков полыбысхан. Аның тузы - 1:04:24. Артём Попов – марығларда кӱмӱс медаль утып алған. Аның тузы – 1:04:31. Ӏкізі спортсменнің тренері Игорь Владимиров полча.
Иреннер
1 орын – Денис Чертыков (Хакас Республиказы) – 1:04:24
2 орын – Артем Попов (Хакас Республиказы) – 1:04:31
3 орын – Вениамин Каныбеков ( Башкортостан Республиказы) – 1:04:39
Ипчілер
1 орын – Людмила Лебедева (Москва, Марий Эл Республиказы) – 1:14:15
2 орын – Елена Седова (Новосибирск облазы) – 1:14:42
3 орын – Александра Вдовина ( Мордва Республиказы) – 1:15:26