Республиканың ат спорды школазының спортсменнері сыйыхтығ орыннарға турыстылар

22 мая 2023 г. в 17:39

Фото из открытых источников

Силкер айының 19-ҷі кӱнінде Алтай аймағындағы КСК "Сабдар ат" орында кинек кізілер аразында ат спортынҷа "Хаҷан ханаттар ӧсче" тіп пайрам ирт парған.

Марығларда Хубачардағыинтернаттаң, "Теремок" республика интернадынаң, "Эквитерра" ат клубынаң паза Магдалинаның адынаң ат спордының школазынаң 26 спортсмен араласхан.

Сигіс кізі "Ӏстеніс саарсых чолы" марығда кӱстерін сынааннар. Прайзы олар аны турыстығ иртібіскеннер. Тӧрт кізі сыйыхтығ орынға турысханнар.

"Ӏстеніс саарсых чолы" марығны позы ирткені:
1 орын - Кирилл Морозов
2 орын - Александр Шурышев

"Ӏстеніс саарсых чолы" марығны полызығнаң ирткені:
2 орын - Евгений Подкопаев
3 орын - Владимир Неделин

Араласхан ӱчӱн аарластығ пічіктерні Ярослав Коваль, Анастасия Цыбулькина паза Максим Князев алып алғаннар. Андағох пічік тренер Элеонора Осадчая алған.