.jpg_80_60.jpg)
.jpg_80_60.jpg)
Спорт федерациялары ВДНХ-да мастер-класстар иртірерлер паза спорт кӧрімнерінеңер чоохтап пирерлер
.jpeg "Фото из открытых источников")
Спорт туризмінің федерациязы туризмнең айғасчаң наа тиріглер кӧзіт пирер. Кӧзідімге, радио палғалызына, туризмге кирек ниме-нооларны. Ағаа хоза, соох чирлерҷе чӧрерінҷе мастер-класстар апарарлар паза сидік оңдайларға кір парғаннарға пастағы имнег полызиин идерін кӧзідерлер.
Улуғ хырлас айының 14-ҷі кӱнінде Адыг Республиканың кӱні иртер паза Россияның дзюдоҷа федерацияның тоғызынаң таныстырарлар.
Улуғ хырлас айының 15-ҷі кӱнінде Россияның самбоҷа федерациязы чемпионнаң зарядка, мастер-класстар, викториналар иртірер. Анда ідӧк саблығ спортсменнерні кӧріп аларға чарир полар. Аалҷыларға «Самбо боевое/классическое» наука фильмі кӧзіділер
Улуғ хырлас айының 16-ҷы кӱнінде чон алнына Россияның спорт аэробиказынаң айғасчатханнар сығарлар. Олар интервьюлар пирерлер, автографтар ӱлирлер, постарынаң сомға суурынарға чарадарлар.
Улуғ хырлас айының 17-ҷі кӱнінең Россияның регбиҷе федерациязы тэг-регбиҷе мастер-класс паза тренировка иртірерлер.
ВДНХ-дағы «Россия» тіп Чоннар аразындағы кӧзідіг тоғызын 2023 чылдағы 4 ноябрьдаң пасталып, 2024 чылдағы 12 апрельде тоозылар.
«Спорт полғанына» ла пӧлікте спортха чарыдылған мастер-класстар, саблығ спортсменнернең, физическай культурада паза спортта тоғынчатханнарнаң тоғазығлар иртчелер. Ағаа хоза, Хазна спорт музейінің кӧзідии, «ГТО – Локомотив» стенд паза Федеральнай медико-биологическай агентствоның паза чоннар аразындағы синніг «Игры будущего» марығ кӧзідии тоғынча.
Россияның спорт министерствозы пу кӧзідігні кӧріп аларға прайзын хығырча. Мында аймах спорт кӧрімнерінің тилізінеңер паза регионнардағы спорт тархынынаңар піліп аларға чарир.
Кӧзідіглер изерізінеңер паза олардаңар искіріглердеңер толдыразынаң Россияның спорт министерствозының интернеттегі сайт-страницаларында піліп аларға чарир.
https://minsport.gov.ru
https://t.me/minsport_russia
https://vk.com/minsportrf
https://ok.ru/group/minsportrf