Тиксі Россия синіндегі «Ты в игре» тіп спорт проекттерінің марии чарлал парды

24 ноября 2023 г. в 08:55

Фото из открытых источников

«Ты в игре» тіп спорт проекті аймах тоғыстарны чуртасха кирерге полысча. Олар чуртағҷыларның кӧңнін кӧдірчелер, чуртастарын ниик итчелер.

Мында араласчатхан чон опытнаң ӱлесче, улуғ эксперттер алнында постаңар тиксі хазнаа искірібізерге чарир, партнерларнаң чӧптезіглер идібізерге оңдай пирілче паза проект тилізіне 1000 000 утып аларға чарир.

Ӱс кӱн аразына марыға тиксі Россиядаң 11000 азыра проект кірген. Пӱӱл «Ты в игре» алғыдылча, аннаңар анда уламох кӧп кізее араласчаң оңдай пирілче!

Полған на пӧліктегі чиңісчілерге постарының тоғыстарын чуртасха киреріне 300 000 пирілче. Сезондағы иң артых проектке, тізең, 1 млн пирілер.

СПОРТ ПӦЛӀКТЕРӀ
Спорттағы алызығлар: кирек программалар пирілері, ол санда приложениелер, агрегаторлар паза даа пасха саннығ кирек нимелер.
Корпоративнай спорт: Корпоративнай спорт тилізіне хабасчатхан проекттер, ол санда офистерде паза производствода спорт площадкаларын тӧстирге хабасчатхан тоғыстар. Ағаа хоза, тоғынҷыларны хазых чуртасха тартып алар пӧгіннең корпоративнай онлайн-программаларны чуртасха кирері.
Спорт туризмі: Тынанарына, спортнаң айғазарына, спорт туризмін тилідеріне, ол санда кирек ниме-ноларны артых идеріне кӧріл парған проекттер.

ТОҒЫС ИЗЕРӀЗӀ

Пічіктерні алары: 21.11.23 - 11.02.24
Чарым азах-мееттегілерні чарлиры 12.03.24
Азах-мееттегілерні табары паза оларны адиры 28.03.24 - 12.04.24
Азах-меетке сых парғаннарның проекттерін арачылиры 22.04.24 - 26.04.24
Чарым азах-меетке сых парғаннарны адиры 12.02.24 - 11.03.24
Чарым азах – меетке сых парғаннарны ӱгредері 14.03.24 - 28.03.24
Азах – меетке сых парғаннарны ӱгредері 15.04.24 - 21.04.24
Чиңісчілерні чеестирі 30.04.24