Абаза городта нацпрект хоостыра ГТО орыны пол килер

23 мая 2023 г. в 10:02

Фото из открытых источников

Ӧнетін спорт тиріглері Хакасияда "Демография" национальнай проект хоостыра алылғаннар.

ГТО орыны Абаза городтың спорт школазының чирінде полар. Аны идеріне паза прай тиріглерні турғызарына 2,4 млн салковай киректілче. Ахча федеральнай бюджеттең позыдылча. Абаза городтың устағ-пастаана ГТО орын полар чирні ле тимнеп саларға кирек полған. Мында оларға ООО "Абазадағы рудник" хабас пирген. Ол тимнег тоғыстарға 1,6 млн. салковай пирген.

ГТО орынында аймах-пасха спорт тиріглері турғызылар: турниктер, рукоходтар, ӧнетін спорт тиріглері. Ӏдӧк мында атығар, тимір кӧдірер чирлер иділер. ГТО орынның чирі 26*12 метр полар.

Чахсы ла кӱн полза, пӱдіріг тоғыстары читілек аразына иділ парар.

Таныхтирға кирек, "Демография" национальнай проект тоғынып пастаанынаң, ГТО орыннары прай аймахтарда пол килгеннер. Абаза город тоғызынҷы пол парар.

Толдыразынаң