Тӧӧ пазындағы «Дельфин» бассейнде тыхтағ тоғыстары тоозылча

23 декабря 2024 г. в 19:20

Фото из открытых источников

Ол тоғыстар «Спорт – норма жизни» тіп федеральнай проекттің «Демография» национальнай проекті хоостыра апарылча.

Аннаңар позының социальнай сетьтердегі страницаларында Хакасияның физическай культураҷа паза спортча министрі Сергей Кочан искірібісті. Аның чооғынаң, бассейнде халғанҷы тӱзедігліг тоғыстар апарылчалар. Тыхтағ тоғыстарының турчатхан тиксі паа 150 миллионға тиңнелче. Ахчаның чарымы республика бюджедінең позыдылған.

Бассейн 1974 чылда пӱдірілген. 2018 чылда, тізең, тузаланысха чарадылбинча тіп чарадығ алылған. Аны республика правительствозы кӱстенгенінең, федеральнай проектке киріп алҷаң оңдай полған. Тыхтағ тоғыстары 2022 чылдаң пасти апарылғаннар. Тастындағы чирі, айағы, чарытхы, сантехника, отделка, суғны арығлаҷаң тоғыстар иділ парғаннар.

Сидіксіністер полғаннар. Кӧзідімге, марығны утып алған пастағы пірігіс тоғыстарны уйан апарған сылтаанда, тус ирт чӧрібіскен, че андағ даа полза, бассейн тузында тимге сых парар!Объект республика холында полып, «Тея» спорт кініни тіп саналар. Бассейн тоғынып пастабысса, анда аймах спорт кӧрімнерінең айғасчатхан спортсменнер тынанарлар, марығларға тимненерлер, - Сергей Кочан.

Пайрамни азылары пазағы чылға кӧріл парған.

Орыс тілінең пазылған пуох хабарны пу ссылкаҷа иртібіссе, хығырарға чарир