Пістің волейболист хызыҷахтарыбыс – Сибирь мариинда хола медаль утып алдылар

19 декабря 2024 г. в 17:20

Фото из открытых источников

Улуғ хырлас айының 10 - 18 кӱннерінде Новосибирскте 14 часха читкелек хызыҷахтар аразында волейболҷа Сибирь марығлары ирткеннер.

Хакасиядаң анда Софья Куш тренернің устаанынаң Алтай аймаандағы спорт школаның командазы араласхан. Ойнааннар: Екатерина Васютина, Мария Виговская, Таисия Корнейчук, Дарья Кудашкина, Екатерина Кузнецова, Ульяна Межова, Анна Мохова, Дарья Никифорова, София Стариченко, Светлана Стрельченко.

Марығларда 19 команда араласхан. Пістіңнер хола медаль утып алғаннар. Чарым азах-меетте хубачардағылар 2:3 саннаң Ангарсктағы «Сибиряк» СШОР командаа чиңдір салғаннар. Оларох марығларның чиңісчілері полыбысханнар. Таныхтирға кирек, пістің Екатерина Кузнецова марығларның иң не артых меспек саапчатхан ойынҷызына санал парған.

САЛТАРЛАРЫ

1 орын – Ангарсктағы «Сибиряк» СШОР

2 орын – Иркутсктағы «СШ 5»

3 орын – Хубачардағы «Алтай аймааның СШ» МБУ ДО

Орыс тілінең пазылған пуох хабарны пу ссылкаҷа иртібіссе, хығырарға чарир