.jpg_80_60.jpg)
.jpg_80_60.jpg)
.jpg_80_60.jpg)
Спорт министерствозында улуғ чыылығ ирт парды
Хакасияның физическай культураҷа паза спортча Сергей Кочан министр чыылған чонға Президенттің наа чахығларынаңар чоохтаан паза чон аразында спортнаң паза физическай культуранаң айғасчаң оңдайлардаңар сурастырығлар иртірерге кирек полчатханынаңар искірген. Сергей Кочан муниципалитеттердегі спорт устаныстарының устағҷыларына орындағы чуртағҷыларны спортха тартар, ГТО сыныхтағларын тудар, спорт школаларның ӱгренҷілеріне разрядтар пирҷең тоғысты уламох ӧткін апарарға кирек полчатханын читірген.
Чыылығ тузында ідӧк 2025 чылда иртірілер спорт марығларының ӱзӱрии парған. Ӧӧн чоохты спорт министрінің орынҷызы тоғызын толдырчатхан , спорт министерствозында спорт пӧлиинің пастығы полчатхан Дмитрий Сафронов тутхан. Пазағы чылда Хакас чирінде 400 азыра спорт марығлары иртірілері кӧрілче. Чыл сай иртчеткен тиксі Россия паза регионнар аразындағы синніг марығлардаң пасха, пастағызын на гиря спортынҷа VI чайғы Спартакиаданың халғанҷы ойыннары иртер. Ӏдӧк дартсча Сибирь чемпионады паза первенствозы, регби-7 спорт кӧрімінҷе Ыраххы Восток паза Сибирь марии парар. Командалар аразында шахматча Россия чемпионады иртер. Анда харахтаң кинектер марығлазарлар. Пірее спорт марығлары 1941–1945 чылларда ирткен Илбек Ада чаада тутхан Илбек Чиңістің 80 частығ пайрамы хоостыра иртірілерлер.
Региондағы федерациялар кізі холындағы паза бюджет пірігістерінең хада-пірге тоғынчатханынаңар чоохты Хакас чиріндегі спорт тимненізінҷе кіннің устағҷызы Константин Скульский тутхан. Пірее спорт кӧрімнерін уламох тилідер пӧгіннең спорт федерацияларынаң пір чӧптіг тоғыс апарылар. Тутхан чоохтың пасха чардығы «Мой спорт» системада істенчеткен устарның тоғыстарына чарыдылған. Пу ниме региондағы физическай культураны паза спортты саннығ идерінҷе ӧӧн оңдай полча.
Орыс тілінең пазылған пуох хабарны пу ссылкаҷа иртібіссе, хығырарға чарир