Кии гимнастиказынаң айғасчатхан хыстарыбыс – улуғ марығларда сыйыхтығ орыннар холға кирділер

16 декабря 2024 г. в 17:45

Фото из открытых источников

Улуғ хырлас айының 13 – 15 кӱннерінде Таиландтағы Бангкокта кии гимнастиказынҷа Airstars» тіп чоннар аразындағы синніг марығлар ирт пардылар.

Анда 22 хазнадаң чыылған спортсменнер араласханнар: Таиланд, Тайвань, Россия, Германия, США, Венгрия, Италия, Малайзия, Сингапур, Гонконг, Индия, Хыдат, Украина, Франция, Корея, Япония, Бразилия, Филиппиннер, Нидерландтар, Финляндия, Вьетнам, Австралия.

Хакас чиріндегі спортсменнер анда алтын паза кӱмӱс медальлар чиңіп алғаннар.

6-10 частығ хызыҷахтар аразында Регина Фуфаева «Kids Amateur» пӧлікте чиңісчі полыбысхан. 11-16 частығлар аразында «Kids Amateur» пӧлікте ікінҷі орында София Ширяева пол парған. Спортсменнернің тренері Дарья Стальмакова полча.

Орыс тілінең пазылған пуох хабарны пу ссылкаҷа иртібіссе, хығырарға чарир