Чуртағҷыларға хазых чуртасты апарҷаң оңдайларны идінҷектер паза спорт пірігістері пирчелер. Спортнаң айғасхан ӱчӱн налог ахчазын айландырып аларға чарир.
2024 чылның изерізіне хазнадағы 4000 азырох пірігіс кір парған. Оларның санына Хакас чирінде тоғынчатхан 15 пірігіс кір парды.
Россияның спорт министерствозы искіргенінең, спортнаң айғасхан ӱчӱн тӧлеен ахчаның чардығын айландырып алары - пасха социальнай налогтардаң тың на пасхалалбинча. Аның ӱчӱн НДФЛ тӧлепчеткен поларға кирек паза хазых пиктирінҷе тоғыстарға хорадығлар иділчеткеніне пічіктер ползын (чӧптезіглернің хобырғаны, кассадағы чектер). Ахча соонҷа Федеральнай налог пӧлиинзер алай ба тоғыстағы пастыхсар айланарға чарир. Айландырылчатхан ахчаны постың паза паланың ӱчӱн алып алҷаң оңдай пар. Ол ахчаны сала ниик арах айландырып алар ӱчӱн РФ-тың Налогтаңар кодексінзер 2024 чылның кӱрген айының пасти алызығлар киріл парғаннар.
Айландырып алҷаң иң кӧп ахчаның сині 120 муң салковайға тиңнелер, ол 13% полча. Анзы 15,6 муңнаң аспасха кирек.
Хакас чиріндегі физкультура паза спортнаң айғасчаң оңдайлар пирчеткен идінҷектернің паза пірігістернің изерізі.
- «Физкультуранаң айғасчаң паза хазых пиктеҷең «Тепсей» пірігіс» (Ағбан)
- «Н.Г. Булакиннің адынаң спорт ӧргезі» (Ағбан)
- «Афалина» спорт школазы» (Асхыс аймаа)
- «Сорығдағы спорт школазы» (Сорығ)
- «А.А. Магдалиннің адынаң ат чарызынҷа школа» (Ағбан)
- Амғы тустағы теелбектернің «Лайм» театры (Ағбан)
- «Алые паруса» спорт ӧргезі (Сойан)
- «Самара городтағы ВВС ЦСК-ның пӧлии» («ЦСКА-Хакасия» спорт кіні, Ағбан город)
- Булгакова Александра Сергеевна идінҷек («Рыбка» олғаннар сомҷаң кін, Ағбан)
- Ивашкина Александра Станиславовна идінҷек («Немо» физкультуранаң айғасчаң кін, Сойан)
- Осадчая Анна Андреевна идінҷек (Хакас Республиканың Хоос паза эстетика гимнастиказынҷа федерациязы, Ағбан)
- Колесникова Ольга Юрьевна идінҷек («Оламур» фитнес клубы, Ағбан)
- Маслова Антонина Владимировна идінҷек ( «Gorilla Fit» фитнес кіні, Ағбан)
- Чурилов Сергей Александрович идінҷек ( «Идеал» спорт клубы, Ағбан)
- Ялина Инга Викторовна идінҷек ( «Athletic Hall» фитнес клубы, Ағбан)