Спортнаң айғасчаң орында резиналығ кибіс тӧзел парған, аннаңар анда чайғызын даа, хысхызын даа спортнаң айғазарға чарир. Харычах ибіре чӱгӱрҷең чоллар салыл парғаннар, аның ибіре сиден тартыл парған, тренажерлар пар.
– Спортнаң айғасчаң орынның кӧрімін Хакасияның спорт министерствозы ӧнетін тимнеп пирген. Анзы муниципальнай пӱдістерге чаҷын тоғызын нииктир пӧгіннең иділче, - таныхтаан Хакасияның физическай культура паза спорт министрінің тоғызын толдырчатхан Сергей Кочан.
Кибір хоостыра наа спортнаң айғасчаң орында "Минспорт – Усть-Камышта" футбол командалары аразында арғыстастығ тоғазығ ирт парған.