«Сойан» ибдегі пастағы ойынын утып алды

28 ноября 2024 г. в 17:40

Фото из открытых источников

Кічіг хырлас айының 27-ҷі кӱнінде 2024/2025 чыллардағы сезонда Суперлигада ойнапчатхан командалар аразында «Сойан» ибдегі пуста «Мурманнаң» ойнады.

СОМНАР

Ойын пасталар алнында, чыылған чонны хоккей ойнаҷаң тус пасталғанынаң, республика пазының орынҷызы Богдан Павленко, Ӧӧркі Чӧптің кнезі Сергей Сокол паза меспектіг хоккейҷе федерация президенті Юрий Шпигальских алғыстааннар.

Ойын салтарларынаңар чоохтаза, «Сойан» аалҷыларны 7:1 саннаң утып алған.

ТОҒАЗЫҒ ПӀДИ ПАРҒАН:

06:26 – 1:0 «СОЙАН», Руслан Гавричков (Василий Жаукенов) – пулуңнаң ызылған меспек киріл парған

15:11 – 2:0 «СОЙАН», Матвей Воробьев — ойыннаң кирібіскен

19:41 – 3:0 «СОЙАН», Егор Егорычев — пос меспекті кирібіскен

35:41 – 4:0 «СОЙАН», Михаил Лисюк (Жаукенов Василий) — ойыннаң киріл парған

51:07 – 5:0 «СОЙАН», Руслан Гавричков (Шнайдер Виталий) — пулуңнаң киріл парған

59:53 – 6:0 «СОЙАН», Сергей Дёмин (Егорычев Егор) — ойыннаң киріл парған

67:29 – 6:1 «МУРМАН», Артем Шеховцов (Скрипин Антон) — ойыннаң киріл парған

84:14 – 7:1 «СОЙАН», Руслан Гавричков — ойыннаң кирібіскен.

Пазағы хати пістіңнер Архангельсктегі «Водникнең» 30 ноябрьда ойнирлар. Пасталғаны 13:00 частаң.

Тоғазығ соондағы Евгений Ерахтин паза Николай Ярович тренерлернең чоохтазығ.

Орыс тілінең пазылған пуох хабарны пу ссылкаҷа иртібіссе, хығырарға чарир