Гиря кӧдірерінҷе чир-суғҷыларыбыс тиксі Россия синіндегі марығларда сыйыхтығ орынға сых пардылар

27 ноября 2024 г. в 17:54

Фото из открытых источников

Кічіг хырлас айының 19 – 22 кӱннерінде Улан – Удэде иреннер паза ипчілер аразында саблығ спорт узы Сергей Леоновтың сыйиина тиксі Россия синіндегі X марығлар гиря кӧдірерінҷе ирткеннер.

Анда 100 азыра спортсмен араласхан. Олар хазнадағы 15 регионнаң чыылғаннар. Командалар аразында Хакас чиріндегілер 4-ҷі орында пол парғаннар.

Алынҷа марығларда 78 кӧдірімге читкелек иреннер аразында «узун цикл» паза «двоеборье» пӧліктерде хола медальны Дмитрий Леденев утып алған. Ипчілер аразындағы алынҷа марығда 68 кӧдірімнің азыра «узун цикл» пӧлікте чиңісті Маргарита Сырцова тутхан.

Маргарита Хакас чирінде узун циклда «Гиря спортынҷа Россияның спорт узы» атха турысчаң синнерні толдырыбысхан пастағы ипчі полча.

Спортсменнер Харатастағы спорт школазының ӱгренҷілері полчалар. Тренерлері - Кирилл паза Василий Жибиновтар.

Орыс тілінең пазылған пуох хабарны пу ссылкаҷа иртібіссе, хығырарға чарир