Евгений Мирошниченконың хумартхызына чарыдылған республика синіндегі I марығлар иртерлер

11 октября 2024 г. в 10:24

Фото из открытых источников

Кичкер айының 12-ҷі кӱнінде Н. Г. Булакиннің адынаң Ағбандағы спорт ӧргезінде ОМОН тоғынҷызы полған Евгений Мирошниченконың хумартхызына чарыдылған армиядағы хол тудызынҷа азых республика марии иртер.

Тоғазығлар мындағ кӧдірімнерге чарылып иртерлер:

15 частығ оолахтар

Кӧдірімнер: 45 кг, 50 кг, 55 кг, 60 кг, 65 кг, 70 кг, 70+ кг

16-17 частығ оолахтар

Кӧдірімнер: 50 кг, 55 кг, 60 кг, 65 кг, 70 кг, 75 кг, 80 кг, +80 кг

Иреннер

Кӧдірімнер: 60 кг, 65 кг, 70 кг, 75 кг, 80 кг, 85 кг, +85 кг

ИЗЕРӀЗӀ

11 октябрьда

19:00-21:00 – марығ араласчыларын кӧдірімнерге чарары, мандат чӧбінің тоғызы ( Ағбан г., Чкаловтың орамазы 39, «Иван Ярыгиннің адынаң Кӱрес туразы» адресче иртер)

12 октябрьда

9:00-10:00 – араласчыларның теес тартызары, чарғыҷылар чылии

10:00-13:00 – 15, 16-17 частығлар пӧлииндегі пастағы тоғазығлар

13:00-13:30 – марығлар азылҷаң тус

14:00-17:00 – 14-15, 16-17 частығлар аразындағы пастағы, чарым азах-мееттегі паза азах-мееттегі тоғазығлар

17:00-18:00 – чиңісчілерні паза сыйыхтығ орыннар алғаннарны чеестирі

САҒЫСХА КИРӀП

Евгений Юрьевич Мирошниченко (22.04.1992 — 26.08.2023)

Полиция прапорщигі

Хакас Республикаҷа Росгвардия пӧлиинің «Монолит» чапчаң хайынҷаң полиция тоғынҷызы .

Россияның национальнай гвардиязының войсколарындағы служба:

2016–2018 чылларда Хакасияның Сойан городтағы ведомстводағы нимес хадағ пӧлиинде тоғынған. Сайбағҷыларны чапчаң тутчаң пӧлік полиция тоғынҷызы полып істенген;

2018–2023 чылларда — Хакас Республиказынҷа Росгвардия устанызының ОМОН пӧлиинде тоғынған.

Хоных хонмаан, палазы ідӧк чох полған.

Евгенийнің матыр киреенеңер хысхаҷахти чоох:

Ӧнетін чаа операциязы парчатхан чирде Евгений істезігліг отрядтың ӧнетін пӧлиинде полған. Тоғызын толдырчатханда, миналығ чазыда чара чачырас тузында, ағаа кізі палығлат салғанынаңар искіріг кірген. Пол парған чирзер ойлат килген росгвардеец, полызығ читкенҷе, кізі ӧл парарын сизін салған. Аннаңар позы ӧл халарынаң хорыхпин аар палығлат салған кізізер парып, пастағы полызығ пирген – пӱдін халған азаана жгут тартыбысхан паза сысты иртірчеткен им-том турғызыбысхан. Палығлатхан кізіні хайди дее имҷілерзер ағыларға кирек полған. Тибірирге тимненчеткен туста, палығлатхан ирен, хазых азаанаң кӧрінминчеткен минаа хаап парған. Чара чачырас пол парған – ікӧлең андох ӧл парғаннар.

Россия Федерациязының президентінің чахиинаң, махачазы ӱчӱн, Евгений Юрьевич Мирошниченко Матыр орденінең (хаҷанға даа) таныхтал парған.