Хакас чиріндегі Федор Жибиновха «Россияның чоннар аразындағы синніг спорт узы» ат пиріл парды

9 октября 2024 г. в 17:18

Фото из открытых источников

Гиря кӧдірерінҷе спорт кӧрімінҷе «Россия паза чоннар аразындағы синніг спорт узы» ат Федор Жибиновха Россия Федерациязының спорт министерствозының 292№ 08.10.2024 чылдаң чахиинаң пиріл парды.

Хакас чиріндегі Фёдор Жибинов спортсмен Россияның піріктірілген командазына кірче, кӧп хати тилекей, Азия, чоннар аразындағы, Россия синіндегі марығларның чиңісчізі полча.
Фёдор Жибинов Хакас чирінде гиря кӧдірерінҷе «Россия паза чоннар аразындағы синніг спорт узы» атха турысхан пастағы спортсмен полыбысты. Аның тренерлері Кирилл паза Василий Жибиновтар полчалар.
Хакасияның спорт министерствозы республикадағы спортта тоғынчатхан тиксі чонның адынаң спортсменні паза аның тренерлерін пӧзік ат алғанынаң алғыстапча!
САҒЫСХА КИРӀП
Хакасиядағы гиря спортынҷа федерация 2012 чылда пічікке киріл парып, аккредитация алған.
Пастағы устағҷызы Александр Шипилев полыбысхан. 2014 чылда устағҷы тоғызына Кирилл Жибинов турғызылған. Пӱӱнгі кӱнге гиря кӧдірерінҷе спорт республикадағы 6 муниципальнай пӱдісте тиліпче – Харатаста, Сорығда, Алтай, Боград, Шира, Ағбан пилтірі аймахтарында.
Гиря кӧдірерінҷе спорт республикада тиліп пастаанаң, «Россияның спорт узы» ат Дмитрий Гольцерге (2014 чыл, Шира аал) Александр Володькоға (2015 чыл, Ағбан г.), Алексей Кобцевке (2015 чыл, Ағбан г.), Федор Жибиновха (2023 чыл, Харатас).
Хакасияның правительствозы , физическай культура паза спорт министерствозы хабазиинаң, 2023 чылның хосхар айында Хакасияның тархынында Ағбанда пастағызын на гиря кӧдірерінҷе спорт кӧрімінҷе Сибирь паза Ыраххы Восток фееральнай округтар марии иреннер паза ипчілер аразында ирткен. Аның ӱчӱн 1 миллион азырох салковайға кирек тиріглер алылғаннар (гирялар, табло, помосттар). Чемпионатха 130 араласчы чыылған, олар 11 аймах регионнаң полғаннар. Хакасияның ӧмезі 4-ҷі орында пол парған.