Хакас чиріндегі спорт школазы пайрамын таныхтабысты (СОМНАР)

1 октября 2024 г. в 14:24

Фото из открытых источников

Кӱрестерҷе республикадағы олимп резерві школаа – 55 час.

Пу син тус аразына мында 27 муң кізі ӱгредіг алған. Оларның 325-зі спорт устары полыбысханнар, 77 кізі – чоннар аразындағы синніг спорт устары полчалар. Ӱгредігні 25 тренер апарча, оларның аразында Россияның саблығ тренерлері паза региондағы физическай культураҷа паза спортча саблығ тоғынҷылары парлар. Пӱӱн мында 777 кізі грек-рим , олаңай, ипчілер кӱрезіне, панкратионға, боксха, самбоға, сумоға ӱгренче. Пӧліктері Ағбан, Сорығ городтарда, Асхыс, Ағбан пилтірі паза Пии аймаанда тоғынча.

Хакас Республиканың физическай культураҷа паза спортча министрі Сергей Кочан пыролығларны пайрам кӱн алғыстабысхан. Сергей Владимировичтің таниинаң, школаны улуғ алызығлар сағыпча – наа спорт залы пӱдірілер, наа спорт кӧрімнеріне ӱгредіп пастирлар – хакас кӱрезіне паза хурлығ куреске.

Тоғылах пайрам таныхталчатханы хоостыра, Хакас Республиканың физическай культура паза спорт министерствозының аарластығ пічіктері кӱрестерҷе СШОР-да пӧлік устағҷызы полчатхан Наталья Соловьеваа, ӱгретчі тренер полчатхан Аркадий Субраковха паза Радион Мылтыгашевке читірілгеннер.

https://stm19.ru/news/13356