Хакас чирінде дзюдоҷа Россияның саблығ тренері ӱгредіг иртірер

26 сентября 2024 г. в 15:00

Фото из открытых источников

Ӱртӱн айының 28 паза 29 кӱннерінде Харатастағы «Хакасия-Спорт» спорт ӧргезінде дзюдоҷа тренерлерні паза устарны тимнирінҷе «Методика обучения технике дзюдо на этапе начальной подготовки. Модуль 1» ӱгредіг иртер.

Анда Хакас, Тыва, Пӱрӱт, республикаларынаң, Алтай паза Хызылчар крайларынаң, Кемеров паза Новосибирск областьтарынаң , ідӧк Москвадаң – тиксі алып алза, 50 азыра тренер паза ус пілістерін кӧдірерлер.
Ӱгредігнің эксперті 5-ҷі данның ээзі (Кодокан),Россияның саблығ тренері, Россияның дзюдоҷа федерациязының чарғыҷылар чӧбінің кнезі Евгений Кулдин полар. Ӱгредігнің тӧстегҷізі Хакас Республиканың дзюдоҷа федерациязы полча, ол «Академия Федерации дзюдо России» проект стінде иртче. Пу ӱгредігні федерация тренерлерінің устарын кӧдірер пӧгіннең ӧнетін иртірче.
ИЗЕРӀЗӀ
28 сентябрьда
Пастағы тренировка
10:00-11:00 – Ӱгредігнің азылары. Программаа кіріп пастиры, Академияның тоғыс схемазы паза методиказы. Тынанҷаң тус. Ӧӧн тоғыс.
11:00-12:00 – пастағы туста Укэми паза Уки гоши, Хиза гурума осхас оңдайларнаң тиңнестіріглер.
12:00-13:00 – Нэ вазаның ӧӧнінеңер. Кэса-гатамэге паза арачыланарына ӱгредері.
13:00-15:00 – Тынанҷаң тус.
Ӏкінҷі тренировка
15:00-16:00 – Тимненері. Нэ вазаның ӧӧні. Наа оңдайларға паза методикаа ӱгредері. Ёкошихо-гатамэге паза арачыланарына ӱгредері. Тутчаң оңдайларны кӧзідері.
16:00-17:00 – Дэаши хараи оңдайларына ӱгредері. Тутчаң оңдайларны кӧзідері.
17:00-18:00 – Оучи гари оңдайларына ӱгредері. Тутчаң оңдайларны кӧзідері.
29 сентябрьда
Ӱзінҷі тренировка
10:00-11:00 – Тимненері. Нэ вазадаңар ӧӧні. Кудзурэ кэсаа паза Ками шихо-гатамэ кӧрімге ӱгредері паза арачыланарынаңар чоохтиры.
11:00-12:00 – Окуриаши-хараи паза Косото-гари оңдайларына ӱгредері. Хыймыранары паза комбинациялар.
12:00-13:00 – Осото гари оңддайларына ӱгредері. Тударына ӱгредері
13:00-15:00 – Тынанҷаң тус
Тӧртінҷі тренировка
15:00-16:00 – Тимненері. Нэ вазаның ӧӧні. Тударына ӱгредері, комбинациялар.
16:00-17:00 – Тачи-вазаның ӧӧні. Хыймыранары. Кибістегі арғыснаң айғазары, комбинациялар пӱдірері.
17:00-18:00 – Ӱгредігнің салтарларын идері, искірері, сурығларға нандырығлар пирері.