Хакас чиріндегі кӱресчілер тиксі Россия мариинда чиңісчілер пол пардылар

11 сентября 2024 г. в 16:40

Фото из открытых источников

Ӱртӱн айының 6 – 9 кӱннерінде Хызылчарда грек-рим кӱрезінҷе 41-ҷі тиксі Россия синіндегі марығлар Олимп ойыннарының чиңісчізі А. В. Шумаковтың сыйиина ирткеннер.

Арға - мӧрій чиңісчінің тӧреен кӱні алнынҷа иртірілче: 7 сентябрьда Алексей Васильевич 76 чазын толдырыбысхан. Пӱӱлгі марыға 17 регионнаң 120 спортсмен чыылған. Кӱрес ӱлӱкӱні азылчатханда, Хакас чиріндегі Ильяс Палтушевке грек-рим кӱрезінҷе «Россияның спорт узы» ат пирілчеткенін киречілепчеткен пічіктер читірілген, аның кӧксіне ідӧк ӧнетін танығ хазалған.

Хакас чиріндегі спортсменнернің САЛТАРЛАРЫ
1 орын ( 77 кг теере) – Нурсултан Алашев
3 орын ( 67 кг теере) – Ильяс Палтушев
3 орын ( 55 кг теере) – Руслан Палтушев
Спортсменнер республикадағы кӱрестерҷе СШОР ӱгренҷілері, оларның тренерлері Александр Худяков паза Валентин Кольчиков полчалар.