Ах чарыхтаң Михаил Сергеевич Кунучаков парыбысты

5 сентября 2024 г. в 09:07

Фото из открытых источников

3 сентябрьда чуртастаң Хакас Республиканың физическай культураҷа паза спортча саблығ тоғынҷызы Михаил Сергеевич Кунучаков парыбысты.

Хакасияның спорт министерствозы Михаил Сергеевич Кунучаковтың туған-чағыннарынаң чобағнаң ӱлесче. Михаил Сергеевичті тӱгенҷі чолына 5 сентябрьда 11.00 частаң Пушкин орамазы, 160 адресче, 12.00 частаң – Кожевенная, 28 адрестең ӱдезерге чарир.

Михаил Сергеевич Кунучаков

Тӧреен кӱні – 21 ноябрьда 1949 чылда. Тӧреен чирі – Хызылчар крайының Хакас Автоном облазы, Таштып аймаандағы Пыдырах аалы.

Ӱгредии

Пасталығ (1-4 класстар) – Пыдырахтағы пасталығ школа (1956-1960 чыллар).

Сигіс класс ӱгредии (5-8 класстар) – Чыланнығдағы сигіс чыллығ школа (1960-1964 чыллар).

Ортымах ӱгредии (9-10 класстар) – Таштыптағы ортымах школа (1964-1966 чыллар).

Пӧзік ӱгредии – Хызылчардағы хазна педагогика институды (физвоспитание факультеді (1970-1971 чыллар)

Ӏстеніс чолы

1966 чылда – Асхыс аймаандағы Ӧӧк пилтіріндегі ортымах школаның физкультура ӱгретчізі

1968-1970 чылларда – Хакоброно хойнында кӱресче ӱгретчі-тренер полча

1970-1974 чылларда – Хызылчардағы ӱгретчілер тимнеҷең институтта ӱгренче

1974-1983 чылларда – Хакоброно хойнындағы Олған-саарбах спорт школа устағҷызы полча

1983-1988 чылларда – Ағбан городтың устағ-пастаандағы физическай культура паза спорт пӧлиинің кнезі полып тоғынча

1988-1993 чылларда – Хакоблпрофсоюз хойнындағы спорт пӧлиинің кнезі полған

1993-2009 чылларда – Ағбан городтың устағ-пастаандағы Культура, чииттер, спорт пӧлиинің пастығы полып тоғынған.

2010-2011 чылларда – УКМиС хойнындағы «Меридиан» СОБ устағҷызы полча

2011- 2020 чылларда – Ағбандағы «Тиксі олған-саарбах спорт школа» устағҷызы полып тоғынған.

Михаил Сергеевич Кунучаков – Хакас Республиканың физическай культураҷа паза спортча саблығ тоғынҷызы, істеніс ветераны, «Чон ӱгредиинің отличнигі» паза Россия Федерациязының физическай культураҷа паза туризмҷе хазна комитедінің улуғлас таңмаларынаң таныхтатхан кізі полча. «Меценаты столетия» Чоннар аразындағы чахсы киректер чыындызының «Честь и польза», «Россияның Госкомспортының 80 чазына удур», Хакас чирі Россия хазназынаң пос кӧңнінең піріккеннең 300 чыл толчатханына» медальларнаң, Хакас Республиканың «Чахсы киректер» орденінең таныхтатхан.

https://stm19.ru/news/13288