4 сентябрьда – Хакас тілінің кӱні

Спорт Хакасияда

4 сентября 2024 г. в 15:43

Фото из открытых источников

Версия для печати

Аарлығ чир-суғҷылар!

Хакас Республиканың Правительствозы паза Ӧӧркі Чӧбі адынаң сірерні Хакас тілі кӱнінең алғыстапчабыс!

1924 чылда пу кӱн хакас пічиин паза хакас тілі учебниктерін тимнирінҷе ӧнетін чӧп тӧстелген. Анзы хакастар пос тілін ундутпас пӧгіннең иділген.

Пу илбек киректі чӱсче чыл толдыр парирбыстар. Республикада «Хакас тілін хайраллирынҷа паза тилідерінҷе» ӧнетін программа тоғынча паза даа пасха кӧп аймах тоғыстар апарылча. Кӧзідімге, пос тілін ӱгренер ӱчӱн аймах программалар тимнелчелер, ӱгредіг пособиелері сығарылчалар, ідӧк хакас тілінең наукаа чарыдылған тоғыстар чарых кӧрчелер.

Хакас тілін хайраллиры – чонның паза ӱлгӱнің пірге тоғызы. Пу улуғ тоғыста ӱгретчілер, ученайлар, артисттер, культура тоғынҷылары, халыхчылар паза хабарҷылар ӧткін араласчалар. Илбек кирекке  салымнығ хозым итчеткен ӱчӱн улуғ алғыс. Ӧсчеткен тӧл пурунғыларыбыстың тілін ундутпас. Піс анзына киртінчебіс.

Аарлығ чир-суғҷылар! Пос тіліндегі сӧс, пос чирі сірерге хайда даа паза хаҷан даа полыссыннар! Пик хазых, часка паза пай чуртас прайзына алғапчабыс!