Хакас чирінде СВО-ға хабазып, ат спортынҷа марығлар ирт парды (СОМ)

2 сентября 2024 г. в 10:45

Фото из открытых источников

Орғах айының 30-ҷы кӱнінде Хакас чиріндегі ат спортынҷа школада «Спортивная пятница» істінде Ӧнетін чаа операциязына хабазып, ат спортынҷа марығлар ирт пардылар.

ТИКСӀ СОМНАР

Марығлар пайрамни азылчатхан кӱн Хакас Республиканың пірсі ӧнетін пӧліктің тоғынҷылары, Ӧнетін чаа операциязының араласчылары, полицияның улуғ лейтенанты Кирилл паза полиция майоры Алексей полғаннар, олар піди тееннер:

– СВО араласчыларынаң адынаң пу кирекке хайығ салчатхан ӱчӱн алғызыбыс читірчебіс. Сірерге чирі-ууңарға хынысха ӱгретчеткен ӱчӱн марығның тӧстегҷілеріне улуғ алғыс. Олғаннарға, тізең, піске пічіктер пасчатхан ӱчӱн ідӧк улуғ алғыс. Ол пічіктер чааҷыларның кӧңнілерін кӧдірчелер. Чолыңар азых ползын!

Спортсменнерзер чылығ сӧстернең ідӧк спорт ветераны, Россия Федерациязының физическай культураҷа паза спортча саблығ тоғынҷызы Константин Тюкавкин айланған.

–Аарлығ арғыстар! Піске уйан хылыхтығ поларға маң чоғыл. Пір россияннар чіли халбазыбыс, пістеңер пірдеезі сағынмас. Аннаңар пістің чааҷыларыбыс сын кирек ӱчӱн кӱрезіг апарчалар. ӧӧн орыс чирлері ӱчӱн, орыс чааҷының махачызы ӱчӱн. Пӱӱн чазырбин чоохтирбын! Пістіңнер хорыхпинчалар. Хорыхпинчатхан чонны, тізең, утып алҷаң оңдай чоғыл, - таныхтаан Константин Николаевич, Хакасияның Минспортын СВО-ға хабазып, мындағ кирек тоғыс апарчатхан ӱчӱн алғыстабызып.

Марығларда 50 азыра чалаң араласхан. Полғаны ла республикадағы ат спортынҷа федерацияа ахча хосхан. Спортсменнер конкурда паза выездкада артыхтарын тапханнар.

Марығлар тоозыл парғанда, Ат спортынҷа федерациядаң «Опора» республика чыындызына 27456 салковай ахча кір парғаны пілдістіг пол парған. Пу ахча СВО-дағы Хакас Республиказынаң парған чааҷыларға хабазып, ызыл парған.

– Хакасияның Минспортына паза Региондағы ат спортынҷа федерацияа орындағы ат спортын тилідерге хабасчатхан ӱчӱн алғызыбыс читірчебіс. Араласчыларға паза даа пасхаларына чахсы кирекке хозылған ӱчӱн улуғ алғыс. Сірернің араласханнарың паза полысханнарың Хакас чирін кӱстіг итче, - таныхтааннар республикадағы ат спортынҷа школада.

Толдыра сан пирісті Федерацияның ВКонтакте страницазында кӧріп аларға чарир.

САЛТАРЛАРЫ

Выездка «Азынада сыйых – олғаннар»

1 орын – Радислава Булатова Оливия Голд аттығ

2 орын – Наталья Васильева Фрегат аттығ

3 орын – Вера Космачева Ренесми аттығ

90 см конкур

1 орын – Карина Орешкова Оптимус Прайм аттығ

2 орын – Анастасия Аксенова Император аттығ

3 орын – Тимур Григорьев Хупер Бей аттығ

100 см конкур

1 орын – Татьяна Ягина Император аттығ

2 орын – Ольга Сличная Полифония аттығ

3 орын – Екатерина Нагнитченко Элексир аттығ