Харахтаң кинек паза пастаң уйан олғаннарға стол теннизінҷе мастер-класс ирт парды

27 августа 2024 г. в 17:08

Фото из открытых источников

Орғах айының 24-ҷі кӱнінде республикадағы паралимпийскай резерв спорт школазында пӧзік категориялығ тренер, Хакас Республиканың физическай культураҷа паза спортча саблығ тоғынҷызы, стол теннизінҷе Россияның піріктірілген командазының тренері Ирина Мордакинаның устаанынаң, стол теннизінҷе мастер-класс ирт парды.

Андар харахтаң кинек паза пастаң уйан олғаннар, ідӧк оларның іҷе-пабалары, «Два сердца шагают в унисон» проекттің араласчылары хығыртылғаннар.

Ирина Мордакина стол теннизіндегі ӧӧн оңдайларнаң таныстырған: ракетканаң паза меспекнең орта тудынарынаңар, меспек ракетка урунчатхан оңдайлардаңар, ойынның тиксі чозахтарынаңар.

Полған на араласчаа ракетканы тудып, меспекті саап кӧрерге чарадылған. Ӏҷе-пабаларға даа палаларынаң ойнап кӧрерге киліскен. Мастер-класстың халғанҷызында палалар паза улуғлар «Дуйбол» ойнааннар. Анзы орта тынҷаң гимнастиканың кӱс сынасчаң кӧрімі.

Республикадағы паралимп резерві