Ағбанда олаңай кӱресче марығлар иртер

13 августа 2024 г. в 17:06

Фото из открытых источников

Орғах айының 17-ҷі кӱнінде Н. Г. Булакиннің адынаң спорт ӧргезінде 61 кӧдірімге читкелек иреннер аразында олаңай кӱресче «Ағбанның гран-при» марығлар иртерлер.

Анда Хакас, Тыва республикалардағы, Хыззылчар крайындағы паза даа пасха региондағы кӱресчілер аралазарлар. Спорт ӱлӱкӱнінің пасталғаны 13.00 частаң.

Марығ тӧстегҷілері: Ағбан город устағ-пастааның полызиинаң «Международная Лига Степей» промоушен.

- Ағаа хоза, 2009-2010 чылларда тӧреен оолахтар 62 паза 57 кӧдірімнерде харбазарлар. Олар Хакасиядаң паза хонҷых регионнардаң поларлар, - искірчелер тӧстегҷілер.