.jpg_80_60.jpg)
.jpg_80_60.jpg)
.jpg_80_60.jpg)
.jpg_80_60.jpg)
Харатас паркындағы спорт орыннарында волейболҷа паза футболҷа город синіндегі марығлар ирт пардылар
.jpg "Фото из открытых источников")
Пу спорт кӧрімнерінең айғасчаң орыннар пӱдірері - «Жильё и городская среда» национальнай проекттің теестегі кизегін чуртасха кирері полча. Аны пӱдіреріне ахча ӱс бюджеттең кӧріл парған: федеральнай - 2 млн 400 муң салковай азыра, республика бюджедінең – 24 муң салковай паза город бюджедінең – 305 муң салковай.
Ағбан городтың пазы Алексей Лемин чоохтапча:
– Пу пӱӱл азылҷаң халғанҷы ла спорт площадказы нимес. Тӱрчедең спорт пӧлии ідӧк Зызыл Ағбандағы тынанҷаң орында азылар. Харатас паркынаңар чоохтаза, мындағы спорт орыннарын нааҷылирға хаҷанох киректелген. Пастағы тоғыстар ирткен чылдох, «Кириленко – Детям!» чыындынаң хада – пірге тоғынып, иділ парғаннар. Салтарында, чахсы кибістіг баскетбол ойнаҷаң орын пӱт парған. Пӱӱл тоғысты «Жильё и городская среда» нацпроект кӱзінең узарадып, хоза ікі площадка пӱдір салғабыс: волейбол паза баскетбол ойнаҷаң орыннар.
Спортсменнер Харатас паркындағы ікі площадка хоостыра улуғ пӧгіннер тутчалар. Устар чоохтапчалар: ойын сині хай-хай алысча, пызыңнапчатхан ӧңнер, тізең, город чуртағҷыларының хайиин тартыпча. Спорт школаның устағҷызы Сергей Мироненконың кӧрізінең, амды Ағбан чуртағҷылары баскетбол паза волейбол спорт кӧрімнерінең уламох хынып айғазарлар:
– Пір-ікі чыл мының алнында пістің мындағ сіліг орын пол килерінеңер сағынмаан даа полғабыс. Ирткен чылда азылған спорт орны пір кӱн дее ээн турбинча: иртеннең иирге теере мында кічіглер паза улуғлар, піс тее чайғызын тренировкалар иртірчебіс. Акрилдең чабылған кибістің чахсы сарилары кӧп. Ирткен чылларда асфальтта ойнаҷаңмыс. Анаң аңдарылза, тізектер, сығанахтар тооза палығлығ пол парҷаңнар. Мындағ орын пӱдерінең, спортсменнер удаа пиртінместер. Аның даа ӱчӱн спорт олғаннарға паза улуғларға даа сала палығлатпинчатхан пол чӧрібісті.
Ағбан городтың устағ-пастааның ӧнетін порталы