Хакасиядағы спортсменнер паза студенттер Донбасста ӧдірт салғаннарны сағысха киргеннер

29 июля 2024 г. в 13:21

Фото из открытых источников

2014 чылда от айының 27 кӱнінде Украинаның армиязы Горловканың чуртағҷыларын «Градтарнаң» чаалабысханнар. Анда ӧдірт салғаннарны сағысха кирділер.

Ол кӱн 22 чуртағҷы хырыл парған. Оларның тӧрті пала полған. 2014 чылдаң пасти ВСУ-ның хайынғаны сылтаанда, Россияның наа регионнарында 300 азыра пала ӧдірт салған.
Сағысха кирҷең кӱн «Заполярный» лагерьде «Ангелы Донбасса» чоохтазығлар парған. Аның тузында олғаннар «Белые Журавлики» чӧрімге чаайахтар тимнебіскеннер.Ағаа хоза, ӧдірт салған хызыҷахтарның паза оолахтарның чуртас чоллары пазыл парған ӧнетін стенд тимнебіскенннер. Пу киректе Олимп резерві училищенің (техникумның) ӱгретчілері паза студенттері араласханнар.
«Баланкуль» тіп хазых пиктеҷең лагерьде Киев режиміне Донбасстағы, Новороссиядағы паза СВО хырығларында ӧдірт салған олғаннарны сағысха киргеннер. Линейка тузында палалар ӧдірт салған олғаннарның аттарын адааннар паза хысхаҷахти оларның чуртас чолларын искіргеннер.