Александра Пцарёва паза Захар Смирнов Россия синіндегі марығларда кӱмӱстер утып алдылар

16 июля 2024 г. в 15:49

Фото из открытых источников

От айының 12 - 14 кӱннерінде Краснодарда ниик атлетикаҷа Россия синіндегі марығлар 20 час толдырғалах чииттер аразында ирт парды.

Марығларда 650-ҷе кізі хазнаның 63 регионынаң араласхан.

Ағбан городтағы ниик атлетикаҷа Олимп резерві спорт школаның ӱгренҷізі Александра Пцарева пӧзікке сегірерінҷе кӧрімде 2-ҷі орында пол парған. Ол 180 см сегірібізіп, позының рекордын тудыбысты. Чиісті, тізең, Липецк облазындағы Полина Березнева тутхан. Хола медаль ээзі Белгород облазындағы Алена Смолева полыбысхан. Александра Пцареваның тренерлері Сергей паза Ольга Кашкаревтар полчалар.

Пӧзікке сегірері, U20 юниоркалар

1 орын – Полина Березнева (Липецк облазы) — 1.80

2 орын – Александра Пцарева (Хакас Республиказы) — 1.80

3 орын – Алена Смолева (Белгород облазы) — 1.80

Олимп резерві училище (техникум) студенті Захар Смирнов 110 метрге хахпаннығ чӱгӱрерінде кӱмӱс медаль ээзі полыбысхан. Ағаа амды «Россияның спорт узы» ат пирілер. Пастағы орында Москва облазындағы Антон Колмыков пол парған. Хола медальны Воронеж облазындағы Ярослав Гришин утып алған. Захар Смирновтың тренері Ольга Киреева полча.

110 м , U20 юниорлар

1 орын – Антон Колмыков (Москва облазы) — 13.40

2 орын – Захар Смирнов (Хакас Республиказы) — 13.96

3 орын – Ярослав Гришин (Воронеж облазы) — 14.00