Ағбан пилтірінде Ынархас ойыннары ирт пардылар

4 июня 2024 г. в 12:23

Фото из открытых источников

Хандых айының пастағы кӱнінде Ағбан пилтіріндегі спорт школазында хакас чонның ойыннарынҷа «Ынархас ойыннары» тіп II азых пайрам ирт парды.

9 - 17 частығ чӱс азыра олған улуғ спорт ӱлӱкӱнінде араластылар.

– Пастағызын на пу Ойыннар ирткен чылда иртірілгеннер. Чонның кӧңніне уғаа тың кір парған ойыннар район синінең алғыдылғаннар, - таныхтапчалар Ағбан пилтірі аймааның устағ-пастаанда.

«Ынархас ойыннарында» аралазарға Ағбан пилтірі, Таштып, Асхыс аймахтарынаң, Ағбан городтаң паза Хакас гимназияның ӱгренҷілері килгеннер.

– Кӱресте, хол пазызында, ағас тартызарында, аттың мойнына арғамҷы тастирында, 30 кг пасчатхан тасты кӧдірерінде аралазары – пайрам марығлары толдыра! Араласчылар тобиттің чозахтарын хынып ӱгренгеннер, хазых ойнааннар. Пурунғыдаң килген ойыннар амғы даа палаларға хынығ полтырлар, - искіргеннер Ағбан пилтіріндегі спорт школазында.