Хакас чиріндегі Андрей Ляшко – Европа мариинда кӱмӱс утып алды

3 июня 2024 г. в 16:14

Фото из открытых источников

Силкер айының 26 - 31 кӱннерінде Бакуда «грэпплинг» паза «грэпплинг-ги» спорт кӱрестерінҷе Европа марии ирткен.

Анда 1000 азыра кізі 15 хазнадаң араласхан: Россия, Азербайджан, Литва, Польша, Испания, Италия, Венгрия, Украина, Молдавия, Грузия, Беларусь, Германия, Румыния, Франция, Греция.

18-20 частығлар паза 92 кӧдірімге читкелектер аразында Россияның піріктірілген командазына кіріп, чиңіс ӱчӱн Андрей Ляшко кӱрескен. «Грэпплинг-ги» кӧрімде Россиядағы, Украинадағы, Румыниядағы паза Польшадағы спортсменнернең тиксі 4 тоғазығ иртірген. Ӱзін утып алып, азах-меетке сых парған, че анда Польшадағы кӱресчее утыр салған. Андағ оңдайнаң, чир-суғҷыбыс Европа мариинда кӱмӱстіг пол парған.

Спортсмен Нымырттығдағы «Берсерк» клубтың ӱгренҷізі полча, Аның тренері – Арсен Шапиев.