Кирилл Яковлев чир-суғҷыбыс – ниик атлетикаҷа чоннар аразындағы синніг марығларның чиңісчізі

27 мая 2024 г. в 16:22

Фото из открытых источников

Силкер айының 26-ҷы кӱнінде Минскте хулахтары хатығ чонның аразында ниик атлетикаҷа чоннар аразындағы синніг марығлар ирт пардылар.

Анда 140 азырох спортсмен араласхан. Хакасияның адын Кирилл Яковлев арачылаан. Ол республикадағы паралимпийскай резерв школа ӱгренҷізі полча, Россияның спорт узы, хазнаның піріктірілген командазының араласчызы.

Кирилл Яковлев алтын медальны 5000 метрге чӱгӱрісті 16 минута 49 секундаа чӱгӱрібізіп, утып алған. Хола медальны, тізең, 1500 метрге чӱгӱрісте утхан. Мында ол 4 минута 12 секунда салтар кӧзіткен. Чир-суғҷыбысты соона Беларусьтағы Александр Черняк паза Мордва Республиказындағы Самир Байчурин ас парыбысханнар.

Кирилл Яковлевтің тренері Владимир Волков полча.