Хакас чиріндегі чир-спортсменнер тиксі Россия синіндегі марығларда медаль утып алдылар

27 мая 2024 г. в 16:20

Фото из открытых источников

Новосибирскте чир спортынҷа тиксі Россия синіндегі марығлар ирт пардылар. Анда 2228 кізі 78 клубтаң араласхан. Олар хазнаның 25 регионынаң полғаннар.

Хакасияның адын 230 азырох кізі арачылаан. Ол спортсменнер «Gold's Team» (Ағбан), «Ника» (Ағбан пилтірі), «Ice cream» (Харатас) клубтардаң полғаннар.

Хакасиядағылар илееде кӧп медальлар аймах частығлар пӧліктерінде утып алғаннар. Салтарында Хакас Республиканың командазы пастағы орынға сых парған. Ағаа хоза, «Gold's Team» клуб (тренер - Виктория Толстопятова) паза «Ника» (улуғ тренер – Виктория Тодышева) клубтар аразындағы марығда 1 паза 3 орында пол парғаннар.

Ағаа хоза, пу марығ соонаң 2 спортсменге «Россияның спорт узы» паза «Россияның спорт узына кандидат» ат 16 кізее пирілер тіп таныхтапчалар Хакас Республиканың чир спортынҷа федерацияда.